Is é an misean atá againn ag Corcra Media ná ábhar ardchaighdeáin i nGaeilge a chur ar fáil a mheallann ár lucht féachana agus a chuireann oideachas, siamsaíocht agus spreagadh ar fáil dár lucht féachana. Táimid tiomanta do réimse éagsúil meán a chruthú, lena n-áirítear scannáin agus teilifís, cláir faisnéise raidió, podchraoltaí, ábhar oideachais ar líne do pháistí, leabhair chlóite, albaim cheoil, agus léiriúcháin amharclannaíochta. Is é an misean atá againn ag Corcra Media ná ábhar ardchaighdeáin i nGaeilge a chur ar fáil a mheallann ár lucht féachana agus a chuireann oideachas, siamsaíocht agus spreagadh ar fáil dóibh. Táimid tiomanta do réimse éagsúil meán a chruthú, lena n-áirítear scannáin agus teilifís, cláir faisnéise raidió, podchraoltaí, ábhar oideachais ar líne do pháistí, leabhair chlóite, albaim cheoil, agus léiriúcháin amharclannaíochta. Mar aitheantas ar an obair sin, bhí lúcháir orainn gur bhain ár sraith Scoil Choille Gradam Chumarsáide an Oireachtais (Sraith Teilifíse na Bliana do Dhaoine Óga 2025) amach le gairid.
Táimid tiomanta dár bpobal féin, pobal na Gaeilge, a chur chun tosaigh inár n-ábhar. Tá a nguthanna, a dtaithí agus a dtraidisiúin fite fuaite i gcreatlach ár n-insintí. Creidimid go bhfuil sé de chumhacht ag gach scéal fiosracht a spreagadh, tuiscint a chothú, agus cultúir a nascadh.
Tá sé mar aidhm againn taipéis a chruthú lenár n-ealaín ina bhfuil snáitheanna teanga, cultúir agus cruthaitheachta fite fuaite ina chéile.
Tá ábhar léirithe ag Corcra Media do chraoltóirí ar nós BBC Gaeilge, TG4, agus RTÉ Raidió na Gaeltachta a léiríonn ár dtiomantas do shaothar ar ardchaighdeán a chur ar fáil do phobal na Gaeilge. Chomh maith leis sin, tá maoiniú faighte againn ón Chiste Craoltóireachta Gaeilge, ó Fhoras na Gaeilge agus ó COGG chun ábhar atá oideachasúil, tarraingteach agus faisnéiseach a fhorbairt agus a chruthú do pháistí agus do dhaoine fásta araon.
Ag Corcra Media, cruthaíonn muid ábhar oideachais a spreagann samhlaíocht agus fiosracht i bpáistí. Tá béim ar leith againn ar na healaíona, ar an cheol, agus ar an tábhacht a bhaineann leis an fhoghlaim lasmuigh. Trí mheascán de fhíseáin bheoga, amhráin shiamsúla agus tionscadail ealaíne céim ar chéim, cuirimid ardán ar fáil do pháistí le dul i mbun cruthaitheachta agus le blaiseadh a fháil ar na hiontais atá le fáil sa domhain nádúrtha.
Bígí réidh d’eachtraí amuigh faoin aer le ‘Scoil Choille’! Sa tsraith úr seo, ina bhfuil 12 clár, déanfaidh muid iniúchadh ar iontais an domhain nádúrtha trí na ceithre shéasúr. Ó bhláthanna an earraigh go sioc an gheimhridh, taispeánfaidh muid an draíocht atá le fáil sa nádúr agus muid ag foghlaim le chéile. Buaiteoir Gradam Chumarsáide an Oireachtais – Sraith Teilifíse na Bliana do Dhaoine Óga 2025.
Ceithre fhíseán oideachasúla, céim ar chéim, le healaín agus le ceardaíocht do pháistí.
Fiosraímid, lenár gcláracha faisnéise raidió, scéalta atá ag croílár phobail na hÉireann, ag léiriú a streachailtí, a n-iontais agus a mbuanna. Tugann muid ardán do fhíorghlórtha cumhachtacha inár gcláracha faisnéise.
Sraith raidió ceithre chlár do RTÉ Raidió na Gaeltachta agus do BBC Uladh ina bhfiosraíonn Conor Torbóid an leighis atá le fáil ón scríbhneoireacht chruthaitheach le ceathrar d’aíonna cumasacha.
Clár raidió agus ceithre fhíseán liricí do BBC Gaeilge, bunaithe ar an leabhar ‘Ceol na Sióg’.
Is é an misean atá againn leis an tsraith podchraoltaí ‘Tales of Tuatha Dé Danann’, ná scéalta miotaseolaíochta ársa na hÉireann a thabhairt chun beatha ar bhealach uathúil agus tarraingteach. Cuireann muid cumhacht na scéalaíochta agus áilleacht an cheoil le chéile chun eispéireas mealltach tumtha a chur ar fáil don lucht féachana.
Tá Corcra Media tiomanta do leabhair do pháistí atá maisithe go hálainn a fhoilsiú. Tá sé mar aidhm againn, lenár leabhair, grá don dúlra a spreagadh, agus ag an am céanna mothú an iontais agus an mheasa thógáil do chothromaíocht íogair an domhain seo. Trí nasc a chothú idir leanaí agus an domhan nádúrtha, déanaimid ár ndícheall glúin atá tuisceanach ar an chomhshaol a chothú agus a thuigeann na naisc idir gach neach beo.
Déanann na leabhair seo ó Corcra Media ceiliúradh ar dhraíocht agus ar iontas an dúlra, agus leagann siad béim a ar áilleacht an domhain nádúrtha, ar an gceangal atá againn leis an domhan eile agus leis na síscéalta. Tá sé de mhisean againn fiosracht, iontas agus meas ar an gcomhshaol a spreagadh i léitheoirí óga, nasc domhain a chothú leis an domhan nádúrtha agus leis an saol mistiúil.
Leabhar nua ina léiritear áilleacht an domhain nádúrtha i bhfoirm téacs, ceoil agus léaráidí galánta. Foilsithe i 2024.
Cruthaíonn Corcra Media seónna amharclainne draíochtúla do pháistí a nascann scéalaíocht, ceol agus damhsa le chéile, ag cruthú eispéiris mhealltacha do gach aois. I measc na léiriúcháin álainn tá ‘An Crann Sí’, ‘Draíocht an Dúlra’, ‘Ceol na Sióg’, agus ‘Slí na Sí’. Trí na gnéithe seo a chomhcheangal, cruthaíonn Corcra Media seóanna a spreagann agus a thaitníonn le páistí agus le daoine fásta araon.
Ba bhreá linn labhairt leat! Líon isteach an fhoirm teagmhála seo chun teachtaireacht a sheoladh chugainn.